Azərbaycanın voleybol millisi səfərdə də Gürcüstana qalib gəlib

Qadın voleybolçulardan ibarət Azərbaycan millisi Avropa çempionatının təsnifat mərhələsində növbəti oyununu keçirib.

"Report"un məlumatına görə, Eldar Yusubovun baş məşqçi olduğu kollektiv D qrupundak 2-ci matçında Gürcüstanın qonağı olub.

Tbilisidəki "Yeni Voleybol Arena"sında oynanılan görüş Azərbaycanın 3:0 (25:14, 25:14, 25:7) hesablı qələbəsi ilə başa çatıb.

Milli komanda Bakıdakı qarşılaşmada da bu rəqibi eyni hesabla məğlub etmişdi.

Qeyd edək ki, Azərbaycan D qrupunda növbəti rəqibi Avstriya olacaq. Oyun avqustun 28-də Bakıda baş tutacaq. Qrupda ilk 2 sıranı tutan komandalar final mərhələsinə yüksələcək.