Azərbaycanın Ümumdünya Şahmat Olimpiadasındakı növbəti rəqibi məlum olub

Bakı. 28 sentyabr. REPORT.AZ/ Gürcüstanın Batumi şəhərində davam edən 43-cü Ümumdünya Şahmat Olimpiadasında VI turun təqvimi açıqlanıb.

"Report"un məlumatına görə, Azərbaycanın kişilərdən ibarət komandasına Çexiya rəqib olub.

Qadınlar isə Latviya ilə üz-üzə gələcəklər. Qarşılaşmalar sentyabrın 30-da keçiriləcək.

Beş turdan sonra kişilərdən ibarət yığma Çexiya, Polşa və Ukrayna ilə birgə 10 xalla 1 - 4-cü yerləri bölüşür, qadın millisi 8 xalla 8-cidir.

Bu gün Azərbaycan komandaları müvafiq olaraq, Ermənistana (2,5:1,5) və Yunanıstana (3:1) qalib gəlib.