Azərbaycan Basketbol Liqasında müntəzəm mövsümün son turunun proqramı bəlli olub

Azərbaycan Basketbol Liqasında XVIII turun proqramı bəlli olub.

"Report"un məlumatına görə, müntəzəm mövsümün son oyunları aprelin 24-28-i aralığında keçiriləcək.

Aprelin 24-də, saat 19:00-da mərkəzi qarşılaşmada "Sabah" və "Xəzri" komandaları üz-üzə gələcəklər. Qalib komanda mövsümü birinci pillədə başa vuracaq.

Müntəzəm mövsüm aprelin 28-də "NTD-İndiqo" - "Şəki" matçı ilə başa çatacaq.

Azərbaycan Basketbol Liqası
XVIII tur
24 aprel
19:00. "Sabah" - "Xəzri"
“Sərhədçi” İdman Mərkəzi

25 aprel
19:30. "Xırdalan" - "Cəlilabad"
“Sərhədçi” İdman Mərkəzi

26 aprel
19:30. "Sərhədçi" - "Neftçi"
“Sərhədçi” İdman Mərkəzi

27 aprel
14:00. "Gəncə" - "Sumqayıt"
Gəncə Olimpiya Kompleksi

28 aprel
14:00. "NTD-İndiqo" - "Şəki"
Xaçmaz Olimpiya Kompleksi

Qeyd edək ki, "Sabah" hazırda 31 xalla liderdir. İkinci sıradakı "NTD-İndiqo" və üçüncü yerdəki "Xəzri"nin 30 xalı var. "Xırdalan" 28 xalla dördüncü, eyni xala malik "Neftçi" beşincidir. Növbəti pillələrdə "Sərhədçi" (24 xal), "Sumqayıt" (23), "Cəlilabad" (22), "Gəncə" (21) və "Şəki" (18) qərarlaşıblar.