Azərbaycan Basketbol Liqası: “Şəki" "Ordu"nu məğlub edib

Azərbaycan Basketbol Liqasında XII tura yekun vurulub.

"Report"un məlumatına görə, sonuncu oyunda "Şəki" "Ordu"nu qəbul edib.

Şəki Olimpiya İdman Kompleksindəki qarşılaşma meydan sahiblərinin qələbəsi ilə yekunlaşıb - 87:74.

Bu nəticədən sonra xallarının sayını 22-yə çatdıran "Şəki" B qrupunda liderdir. 20 xala malik qonaqlar üçüncü pillədə qərarlaşıb.

Qeyd edək ki, turun əvvəlki matçlarında "Abşeron" "Sərhədçi"ni (86:79), "Sabah" "Neftçi"ni (75:65), "Sumqayıt" "Lənkəran"ı (93:90), "Gəncə" "Quba"nı (96:78), NTD isə "Naxçıvan"ı (90:70) məğlub edib.