Nazir: “Şimal-Cənub Nəqliyyat Dəhlizi ilə yük daşımaları 100 dəfəyə yaxın artıb”

Bakı. 23 noyabr. REPORT.AZ/ Bu ilin yanvar-sentyabr aylarında Azərbaycan ərazisi ilə yük daşımaları təxminən 10 mln. ton təşkil edib.

“Report” xəbər verir ki, bu barədə iqtisadiyyat naziri Şahin Mustafayev məlumat verib.

Onun sözlərinə görə, bunun 8 mln. tonu neft, 2 mln. tonu isə qeyri-neft məhsulları olub.

“Ötən ilin eyni dövrü ilə müqayisədə daşımaların həcmi 23% artıb. Ayrıca Şimal-Cənub Nəqliyyat Dəhlizi ilə yük daşımaları isə 100 dəfəyə yaxın artıb”, - deyə nazir əlavə edib.