Anar Quliyev: Naxçıvanın MR-in ümumi planı üzərində iş başa çatmaq üzrədir

Naxçıvan Muxtar Respublikasının (NMR) bütün ərazisini əhatə edən ümumi plan üzərində iş başa çatmaq üzrədir.

“Report” xəbər verir ki, bunu Dövlət Şəhərsalma və Arxitektura Komitəsinin sədri Anar Quliyev “Təməl” mükafatı ilə təltifetmə mərasimində çıxışı zamanı deyib.

Onun sözlərinə görə, hazırda Naxçıvan, Ordubad, Şahbuz şəhərlərinin Baş Planlarının üzərində iş davam edir: “Ötən ilin sonunda Babək və Culfanın Baş Planlarının üzərində işə başlamışıq”.

A. Quliyev ötən ilin nəticələri ilə bağlı danışarkən qeyd edib ki, 2024-cü ildə 359 şəhərsalma əsaslandırılması adlı sənəd təsdiq edilib: “Bunlardan 30-u Qarabağdakı 30 kəndin ərazi planlaşdırma sənədləridir”.