"Azərbaycanfilm" kinostudiyasının dünya standartlarına uyğunlaşdırılması istiqamətində işlərə başlanıb

İncəsənət

12 aprel, 2016
10:52

Azərbaycanfilm kinostudiyasının dünya standartlarına uyğunlaşdırılması istiqamətində işlərə başlanıb

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 12 aprel. REPORT.AZ/ "Hazırda "Azərbaycanfilm" kinostudiyasının dünya standartlarına uyğunlaşdırılması istiqamətində işlərə başlanıb". "Report"un məlumatına görə, bunu mədəniyyət və turizm nazirinin müavini Ədalət Vəliyev deyib.

Onun sözlərinə görə, bu məqsədlə müvafiq layihə hazırlanıb: "Layihənin hazırlanması işinə böyük əksəriyyəti fransalı mütəxəssislərdən ibarət qrup cəlb olunub".

Nazir müavini qeyd edib ki, Prezident İlham Əliyevin tapşırığı və Heydər Əliyev Fondunun prezidenti Mehriban Əliyevanın təşəbbüsü ilə həyata keçirilən layihənin hazırlanması istiqamətində işlər sürətlə davam edir: "Kinostudiyanın da dünya standartlarına uyğunlaşdırılacağı gün uzaqda deyil".