Azərbaycan internet istifadəçilərinin sayına görə 63-cü yeri tutur

Bakı. 29 sentyabr. REPORT.AZ/ Azərbaycan internet istifadəçilərinin sayına görə dünyada 63-cü yeri tutur. "Report" xəbər verir ki, bu barədə Beynəlxalq Elektrik Rabitə Birliyinin məruzəsində bildirilib.

Eyni zamanda məruzəyə əsasən, Azərbaycan internetə qoşulan evlərin sayına görə siyahıda 23-cü yerdə qərarlaşıb. 

Məruzədə qeyd olunub ki, ölkədə 2,5% istifadəçi 10 Mbit/san və daha yüksək sürətli İnternetdən istifadə edir. 

Azərbaycanın internet istifadəçilərinin 50%-i internetə portativ qurğular vasitəsilə qoşulur.