Saatlıda evdə baş verən yanğında mənzil sahibi yanıq xəsarətləri alıb

Saatlıda yanğın hadisəsi baş verib. 

"Report"un Mil-Muğan bürosunun məlumatına görə, hadisə saat 17 radələrində Qara Nuru kənd sakini Məmmədov Ramiz İsan oğluna məxsus həyətdə baş verib. Belə ki, hamamda qaz yanan zaman partlayış baş verib və yanğın başlayıb. Qısa müddətdə güclənən alov Mal-qara tövləsinə və ot tayasına keçib.

Hadisə nəticəsində ev sahibi qol və boyun nayihələrindən yüngül yanıq xəsarətləri alıb. Bundan başqa yanğın nəticəsində hamam, tövlə və 1000 dən çox ot bağlaması yanaraq məhv olub.

Yanğın yerinə yanğından mühafizə xidmətinin texnika və canlı qüvvəsi cəlb edilib alov söndürülüb, yanğının ətraf ərazilərə keçməsinin qarşısı alınııb.

Faktla bağlı araşdırma aparılır.