"QHT işi" üzrə təqsirləndirilən Asiman Qocayevin məhkəməsi başlayıb

"QHT işi" üzrə ittiham olunan "Azərbaycan Gənclər Parlamenti" İctimai Birliyinin layihə rəhbəri Asiman Qocayevin məhkəməsi başlayıb.

"Report"un məlumatına görə, Bakı Ağır Cinayətlər Məhkəməsində hakim Azər Tağıyevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Daha sonra cinayət işinin məhkəmə baxışa verilməsi barədə qərar qəbul olunub.

Məhkəmənin növbəti iclası noyabrın 6-na təyin olunub.

Qeyd edək ki, Asiman Qocayev Cinayət Məcəlləsinin 192.2.2-ci (Külli miqdarda gəlir əldə etməklə qanunsuz sahibkarlıq), 213.1-ci (Vergidən yayınma), 308.2-ci (vəzifə səlahiyyətlərindən sui-istifadə) maddələri ilə ittiham olunur.