Göyçayda iki avtomobil toqquşub

Göyçay. 4 mart. REPORT.AZ/ Göyçay rayonunda iki avtomobil toqquşub.

"Report"un Şirvan bürosunun xəbərinə görə, hadisə şəhərin Əli Kərim və H.Z.Tağıyev küçələrinin kəsişməsində baş verib.

Rayon sakini, 35 yaşlı Elşən Səlahəddin oğlu Əzizovun idarə etdiyi minik maşını ilə 62 yaşlı Rövşən Novruz oğlu Əzizovun idarə etdiyi avtomobil toqquşub. Qəza nəticəsində xəsarət alan olmasa da, hər iki avtomobil yararsız hala düşüb.

Faktla bağlı araşdırma aparılır.