Dələduzluqda təqsirləndirilən MTK rəhbərinin məhkəməsi başladı

Bakı Ağır Cinayətlər Məhkəməsində dələduzluqda ittiham edilən tikinti şirkətinin rəhbəri Qazaxlı Ramiz Saday oğlu barəsində cinayət işi üzrə hazırlıq iclası keçirilib.

“Report”un xəbərinə görə, hakim Əli Məmmədov sədrlik etdiyi iclasda anket məlumatları dəqiqləşdirilib.

Məhkəmənin baxış iclası martın 19-a təyin edilib.

Qeyd edək ki, R.Qazaxlı bir mənzili bir neçə nəfərə satmaqda ittiham edilir.

İş üzrə 11 nəfər zərərçəkmiş var.

Ona Cinayət Məcəlləsinin 178.3.2-ci (külli miqdarda ziyan vurulmaqla dələduzluq) maddəsi ilə ittiham verilib.