Beyləqanda yanğın küləyin təsiri ilə genişlənərək meşə massivinə keçib

Beyləqan rayonunda başlayan yanğın geniş əraziyə yayılıb.

"Report"un Qarabağ bürosunun xəbərinə görə, yanğın hadisəsi rayonun Tatarlar və Eyvazalılar kəndlərinin ərazisində başlayıb.

Yerli sakinlərin verdiyi xəbərə görə, yanğın küləyin təsiri ilə genişlənərək meşə massivinə keçib.

Yanğının söndürülməsinə Beyləqan Rayon Dövlət Yanğından Mühafizə Hissəsinin texnikası və şəxsi heyəti cəlb olunub.

Bundan başqa rayonun Birinci Şahsevən kəndində açıq ərazidə yanğın başlayıb. Hazırda yanğının söndürülməsi istiqamətində işlər davam edir.

DİN-in Mətbuat Xidmətinin regional qrupundan "Report"a verilən məlumata görə, yanğın baş verən əraziyə polis əmədaşları cəlb olunmaqla xidmət aparılır.