BDU-ya prorektor təyin etmək adı ilə dələduzluq edən şəxsə hökm oxunub

Bakı. 7 mart. REPORT.AZ/ Bu gün Bakı Ağır Cinayətlər Məhkəməsində dələduzluqda təqsirləndirilən Bəhruz Əhmədovun cinayət işi üzrə məhkəmə prosesi başa çatıb.

"Report"un məlumatına görə, hakim Əlövsət Abbasovun sədrliyi ilə keçirilən prosesdə hökm oxunub.

Məhkəmənin hökmünə əsasən, B.Əhmədov 7 il 6 ay müddətinə azadlıqdan məhrum edilib.

Qeyd edək ki, B.Əhmədov ötən il Bakı şəhər sakinini Bakı Dövlət Universitetinə (BDU) prorektor təyin etmək adı ilə 10 min manat pulunu dələduzluq yolu ilə ələ keçirib.

O, polis əməkdaşları tərfindən saxlanılıb. B.Əhmədov Cinayət Məcəlləsinin 178.3.2-ci (dələduzluq, külli miqdarda) maddəsi ilə ittiham olunub.