Bakı Slavyan Universitetinin yataqxanasında uçqun hadisəsi baş verib

Bakı. 18 noyabr. REPORT.AZ/ Bakıda yataqxanada uçqun hadisəsi baş verib. Bu barədə "Report"a hadisə şahidləri məlumat verib.

Hadisə Binəqədi rayonunun Dərnəgül qəsəbəsi, Ağasadıq Gəraybəyli küçəsi-31 ünvanında yerləşən Bakı Slavyan Universitetinin yataqxanasında qeydə alınıb. Nəticədə yataqxananın 4-cü mərtəbəsində döşəməsi uçub. Hadisə zamanı bir nəfər yüngül dərəcəli xəsarət alıb. 1 saylı Şəhər Klinik Xəstəxanasına çatdırılan şəxsə ilkin yardım göstərildikdən sonra o, ambulator müalicə üçün evə buraxılıb.

Faktla bağlı müvafiq dövlət qurumlarında araşdırma aparılır.