UEFA Çempionlar Liqası: “İnter” - “Barselona” oyununda qalib müəyyənləşməyib

UEFA Çempionlar Liqasının yarımfinal mərhələsinin daha bir matçı keçirilib.

“Report” xəbər verir ki, “İnter” İspaniyada “Barselona”nın qonağı olub.

Matçda hesab 30-cu saniyədə açılıb. Qonaqların hücumçusu Markus Tyuram fərqlənib. 21-ci dəqiqədə Dyumfris Françesko Acerbinin ötürməsindən sonra hesab arasındakı fərqini iki topa çatdırıb. Üç dəqiqə sonra “Barselona”nın heyətində Lamin Yamal fərqlənib. 38-ci dəqiqədə Rafinyanın ötürməsindən Ferran Torres hesabı bərabərləşdirib - 2:2.

Qarşılaşmanın 64-cü dəqiqəsində Denzel Dyumfris künc zərbəsindən sonra qonaqları hesabda önə keçirib. Bir dəqiqə sonra künc zərbəsindən sonra Rafinya topu cərimə meydançasının kənarından qapıya göndərib.

Beləliklə, görüş 3:3 hesabı ilə bitib.

UEFA Çempionlar Liqası

Yarımfinal, ilk oyunlar

30 aprel

23:00. “Barselona” (İspaniya) - “İnter” (İtaliya) 3:3

Qeyd edək ki, UEFA Çempionlar Liqasının yarımfinal mərhələsinin cavab görüşlərinə mayın 6-da start veriləcək.