“Qəbələ” İdman Klubu Nəriman Abbasovla müqavilənin müddətini uzadıb

“Qəbələ” İdman Klubu və MMA döyüşçüsü Nəriman Abbasov arasında müqavilə uzadılıb.

Klubdan "Report"a verilən məlumata görə, 28 yaşlı idmançı ilə yeni anlaşma bir ili əhatə edir.

Müqavilənin imzalanma mərasimindən sonra klubun prezidenti Fariz Nəcəfov döyüşçü və onun məşqçisi Şəhriyar Abbasovla görüşüb.

Tədbirdə Nərimanın döyüşləri barədə fikir mübadiləsi aparılıb. Klub prezidenti idmançıya karyerasında uğurlar arzulayıb.