"Neftçi" yeni hücumçusunu təqdim etdi

Futbol

11 sentyabr, 2020
05:06

"Neftçi” hücumçu transferini rəsmiləşdirib.

"Report" paytaxt təmsilçisinin rəsmi saytına istinadən xəbər verir ki, Konqo milli komandasının üzvü Prins İbara ilə 1 illik müqavilə imzalanıb.

Belçikanın "Birşot” klubuna (2019-2020; 12 oyun) məxsus olan 24 yaşlı hücumçu mövsümün sonunadək icarə əsasında komandanın heyətində çıxış edəcək. O, 13 nömrəli formanı geyinəcək.

Prins İbara Konqonun ACNFF (2014), "Pelikan” (2015; 6 oyun, 6 qol), Tunisin "Bizerten” (2015-2017; 19 oyun, 8 qol), Qətərin "Əl-Vakra” (2017-2018; 9 oyun, 1 qol) və Əlcəzairin "USM Əlcəzair” (2018-2019, 27 oyun, 10 qol) klublarında çıxış edib və 2019-cu ildə Əlcəzair çempionu olub.

İbara Konqo milli komandasının heyətində 11 oyun keçirib, 3 qol vurub.