“Neftçi”nin məşqçilər korpusunda yeni təyinat olub

“Neftçi”nin məşqçilər korpusunda yeni təyinat olub.

"Report xəbər verir ki, bu barədə klubun mətbuat xidməti məlumat yayıb.

Rumıniyalı Boqdan-Kornel Merişanu atletik hazırlıq üzrə məşqçi vəzifəsini yerinə yetirəcək. Mütəxəssis 2022-ci ilin iyunundan 2023-cü ilin iyununadək “Neftçi”nin sabiq baş məşqçisi Laurentsiu Regekampfın köməkçilərindən olub.

Qeyd edək ki, o, “Neftçi”dən başqa, Rumıniyanın “Poltexnika Timişoara” (2012-2016), “Universitatya Krayova” (2021-2022, 2023), Səudiyyə Ərəbistanının “Əl-Vehda” (2018), “Əl-Əhli” (2021), “Əl-Tai” (2023-2024), BƏƏ-nin “Əl-Vəsl” (2019-2021), Tunisin “Esperans” (2024) klublarında və Rumıniyanın U-21 millisində (2016-2018) çalışıb.