"Mançester Siti" Qvardioladan gələcəyi barədə aydın cavab tələb edir

İngiltərənin "Mançester Siti" klubu baş məşqçi Xosep Qvardiolanın gələcək karyerası ilə bağlı qərar verməsini istəyib.

"Report" "talkSPORT"a istinadən xəbər verir ki, "şəhərlilər" 55 yaşlı mütəxəssisdən 2027-ci ildə başa çatacaq müqaviləsinin müddətinin uzadılıb-uzadılmayacağına aydınlıq gətirməsini tələb edir.

Premyer Liqa təmsilçisi Liqa Kubokunu qazandıqdan sonra yay transfer dönəmi üçün planlarını qurmaq niyyətində idi. Lakin Qvardiola ilə bağlı qeyri-müəyyənlik prosesi çətinləşdirir.

"Mançester Siti" rəhbərliyi təcrübəli baş məşqçidən tezliklə cavab almaq istəyir. Onlar mümkün futbolçu keçidlərindən əvvəl mütəxəssisin qərarını gözləyirlər.

Xatırladaq ki, Xosep Qvardiola 2016-cı ildən "Mançester Siti"də işləyir. Komanda onun rəhbərliyi altında altı dəfə İngiltərə Premyer Liqasının, bir dəfə UEFA Çempionlar Liqasının qalibi olub.