"Mançester Siti" Çempionlar Liqasında son 14 ev matçında ilk dəfə Almaniya komandasına uduzub

İngiltərənin "Mançester Siti" klubu UEFA Çempionlar Liqasında son 14 ev matçında ilk dəfə Almaniya komandasına uduzub.

"Report" "Stata Football"a istinadən xəbər verir ki, bu, liqa mərhələsinin V turunda ötən gün baş tutan "Bayer 04" (0:2) ilə matçda reallaşıb.

Mançester təmsilçisi sonuncu dəfə 2013-cü ildə Xosep Qvardiolanın rəhbərlik etdiyi "Bavariya"ya məğlub olmuşdu. Həmin vaxtdan bəri İngiltərə klubu Almaniya komandalarına qarşı keçirdiyi oyunlarda 13 qələbə qazanıb.

Qeyd edək ki, UEFA Çempionlar Liqasının finalı mayın 30-da Macarıstanın paytaxtı Budapeştdəki "Puşkaş Arena"da keçiriləcək. Turnirin son qalibi Fransanın PSJ klubudur.