La Liqa: "Real Madrid" "Kadis"ə qalib gəlib

İspaniya çempionatının XIV turunun matçında “Real Madrid” “Kadis”i məğlub edib - 2:1.

“Report” xəbər verir ki, "Santyaqo Bernabeu"da keçirilən oyunda ilk hissənin sonunda hesabı madridlilər açıb - Eder Militao fərqlənib.

İkinci hissənin ortalarında almaniyalı yarımmüdafiəçi Toni Kroos komandasının ikinci qolunu vurub. Görüşün sonunda Lukas Peres hesabdakı fərqi azaldıb.

“Real Madrid” La Liqanın turnir cədvəlində “Barselona”dan 2 xal geri qalaraq ikincidir. “Kadis” isə 19-cu sıradadır.