Braziliyalı futbolçu "Qarabağ"da yubiley qolunu vurub

Kadi Borges “Qarabağ” klubunda 10-cu qolunu vurub.

"Report"un məlumatına görə, 26 yaşlı yarımmüdafiəçi buna "Zirə"ni 3:0 hesabı ilə məğlub etdikləri Premyer Liqanın XX tur oyununda nail olub.

Qarşılaşmada iki dəfə fərqlənən yarımmüdafiəçi öncə yubiley qoluna, sonra 11-ci topa imza atıb. Komandasında 33 matç keçirən braziliyalı oyunçunun orta məhsuldarlığı 0,33-ə bərabərdir.

Borges Premyer Liqada 6, Konfrans Liqasında 5 dəfə rəqib qapısına yol tapıb.

2021-ci ilin yayında Ağdam klubuna keçən yarımmüdafiəçi bütün qollarını cari mövsümdə vurub. O, bu mövsüm “Qarabağ”da 10 və daha çox qol vuran ikinci futbolçu olub və Abdullah Zubirə çatıb.