“Bayer 04”ün futbolçusu: “Bu klubun Avropada böyük nüfuzu var”

“Bu klubun Avropada böyük nüfuzu var”.

“Report” xəbər verir ki, bunu Almaniyanın “Bayer 04” klubunun futbolçusu Qranit Caka komandası barədə danışarkən deyib.

İsveçrəli yarımmüdafiəçi yay fasiləsində İngiltərə “Arsenal”ından Bundesliqa təmsilçisinə transfer olunmaqla doğru qərar qəbul etdiyini bildirib: “Baş məşqçi Xabi Alonso ilə danışıqlar zamanı hiss etdim ki, uzunmüddətli layihə üçün bura gəlməyə dəyər. Həm avrokuboklarda, həm də Bundesliqada iddialıyıq. Klubun necə düzgün idarə olunduğunu görürəm”.

Qeyd edək ki, “Bayer 04” növbəti oyununu bu gün Avropa Liqasının qrup mərhələsində “Qarabağ”a qarşı keçirəcək. Tofiq Bəhramov adına Respublika stadionunda baş tutacaq görüşə saat 21:45-də start veriləcək.