"Barselona" "Atletiko" ilə oyundan əvvəl Kumanı qovmayacaq

İspaniyanın "Barselona" klubunun rəhbərliyi baş məşqçi Ronald Kumana daha bir oyunluq şans vermək qərarına gəlib.

"Report" "Diario Sport"a istinadən xəbər verir ki, Kataloniya təmsilçisinin prezidenti Joan Laporta La Liqanın VIII turunda "Atletiko" (Madrid) komandası ilə görüşdən əvvəl kollektivdəki vəziyyəti gərginləşdirmək istəmir.

O, hələ də "Barselona"nın yaxşı nəticələr qazana biləcəyinə ümid edir.

Niderlandlı baş məşqçi ilə bağlı qərar oktyabrın 2-də "Atletiko" ilə keçirəcəkləri qarşılaşmanın nəticəsinə əsasən veriləcək. Matç Bakı vaxtı ilə saat 23:00-da başlayacaq.

Qeyd edək ki, "Barselona" Çempionlar Liqasının qrup mərhələsinin II turunda Portuqaliyada "Benfika"ya 0:3 hesabı ilə uduzub.