"McLaren" pilotu: Azərbaycan Qran-prisində qələbə üçün mübarizə aparmaq şansımız var

Düşünürəm ki, bizim qələbə üçün mübarizə aparmaq şansımız olacaq.

"Report"un məlumatına görə, bunu "McLaren" pilotu Oskar Piastri Bakıda keçirilən "Formula 1" üzrə Azərbaycan Qran-prisi ilə bağlı danışarkən deyib.

Sıralama turunda ikinci olan sürücü uzun məsafələrdə yaxşı templərinin olduğunu söyləyib: "Amma qalibiyyət əldə etmək asan olmayacaq".

O, sıralama turunun son dövrəsində sürəti artırdığını diqqətə çatdırıb: "Divarlara daha da yaxınlaşmağa çalışdım. Bu trek belə yanaşmanı mükafatlandırır. İtirəcək heç nəyim yox idi".

Qeyd edək ki, Azərbaycan Qran-prisində əsas yarış sentyabrın 15-də baş tutacaq.