Azərbaycanın yunan-Roma güləşçisi Avropa ikincisi olub

Fərdi

14 mart, 2023
17:20

Azərbaycanın yunan-Roma güləşçisi Avropa ikincisi olub

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Azərbaycanın yunan-Roma güləşçisi Xasay Həsənli Rumıniyanın paytaxtı Buxarestdə keçirilən U-23 Avropa çempionatında gümüş medal qazanıb.

"Report"un məlumatına görə, 77 kq çəki dərəcəsində çıxış edən idmançı finalda moldovalı Aleksandrin Qutunu sınağa çəkib. Rəqibinə 3:6 hesabı ilə uduzan Həsənli ikinci yerlə kifayətlənib.

130 kq-da yer alan Sərxan Məmmədov "bürünc" görüşündə türkiyəli Muhammet Bakıra uduzaraq medalsız qalıb.

Qeyd edək ki, martın 15-də Azərbaycanın daha 3 yunan-Roma güləşçisi - Elmir Əliyev (60 kq), Qurban Qurbanov (72 kq) və Murad Əhmədiyev (97 kq) final görüşlərini keçirəcəklər. Həsən Məmmədli (67 kq) və İsmayıl Rzayev (82 kq) isə bürünc medal uğrunda qüvvəsini sınayacaq.