OPEC bu il üçün Azərbaycanda maye karbohidrogen hasilatı proqnozunu sabit saxlayıb

2023-cü ildə Azərbaycanda maye karbohidrogen hasilatı sutkada 60 min barel artaraq orta hesabla 800 min barel səviyyəsinə çatacağı proqnozlaşdırılır.

"Report" Neft İxrac Edən Ölkələr Təşkilatının (OPEC) fevral hesabatına istinadən xəbər verir ki, artım "Şahdəniz" və "Abşeron" qaz-kondensat layihələri hesabına təmin olunacaq. Bu proqnoz əvvəlki hesabatda verilən qiymətləndirməyə uyğundur.

OPEC qeyd edib ki, “Mərkəzi Şərqi Azəri” layihəsi çərçivəsində 2023-cü ildə xam neft hasilatına başlandıqdan sonra hasilat daha da arta bilər.

OPEC-in hesablamalarına görə, 2022-ci ildə Azərbaycanda maye karbohidrogenlərin tədarükü ötən illə müqayisədə sutkada 42 min barel azalacaq, orta hesabla sutkada 700 min barel olacaq.

"Dekabrda iri neft yataqlarından hasilatın gözləniləndən aşağı olması səbəbindən bu rəqəm gündəlik cüzi 8 min barel azaldılıb. Təxmin edilir ki, köhnə yataqlardakı əsas azalma digər yataqlardan hasilatın artırılması hesabına kompensasiya ediləcək. BP-nin idarə etdiyi konsorsiumun Xəzər dənizinin Azərbaycan sektorunda qaz hasilatını artırdığı “Şahdəniz” qaz-kondensat yatağı”, - OPEC-in hesabatında deyilir.

Dekabrda Azərbaycanda maye karbohidrogenlərin hasilatı aylıq əsasda dəyişməyərək gündəlik orta hesabla 700 min barel təşkil edib, baxmayaraq ki, bu, illik nisbətdə gündəlik 8 min barel azalmaya bərabərdir.

Rəsmi rəqəmlərə görə, xam neft hasilatı orta hesabla sutkada 550 min barel, “Şahdəniz” yatağında isə gündəlik orta hesabla 140 min barel olub.