Neft 1%-dən çox bahalaşıb

Bazarda təklif çatışmazlığı ilə bağlı narahatlıqlar fonunda neftin qiyməti 1%-dən çox artıb.

“Report” birjalara istinadən xəbər verir ki, Şimal dənizində hasil olunan “Brent” neftinin oktyabr fyuçersləri 1,28% bahalaşaraq 1 bareli 101,47 ABŞ dollarına satılıb. WTI neftinin sentyabr fyuçerslərinin qiyməti isə 1,28% artaraq 1 bareli 97,94 ABŞ dolları təşkil edib.

İnvestorların tələb və təklif perspektivlərini qiymətləndirməyə çalışması fonunda neft bazarı güclü volatillik nümayiş etdirir. Bir tərəfdən, qlobal iqtisadiyyatın potensial zəifləməsi xammala olan tələbin azalmasına səbəb ola bilər, digər tərəfdən isə təkliflə bağlı çatışmazlıq qiymətləri cari vəziyyətdə saxlamağa imkan verir.