G20 çərçivəsində neft bazarının monitorinqi üçün mexanizm yaradıla bilər

“Böyük iyirmilik” (G20) ölkələri enerji bazarındakı vəziyyətin monitorinqi və cavab tədbirlərini hazırlamaq üçün səmərəli mexanizm yaratmalıdır.

“Report” “RİA Novosti”yə istinadən xəbər verir ki, bu barədə Rusiyanın energetika naziri Aleksandr Novak G20 ölkələri nazirlərinin görüşünün açılışında bildirib.

Xatırladaq ki, bu gün başlayan görüşün məqsədi koronavirus pandemiyası üzündən enerji daşıyıcılarına tələbatın xeyli azaldığı bir vaxtda enerji bazarının tarazlaşdırılması, dünya iqtisadiyyatının güclənməsi üçün müvafiq tədbirlər hazırlamaqdır.