Bu il Azərbaycanın qaz ixracından gəliri 29% artıb

Bu ilin yanvar-aprel aylarında gömrük bəyannamələrinə əsasən, Azərbaycan 4,4 mlrd. kubmetr həcmində təbii qaz ixrac edib.

“Report”un Dövlət Gömrük Komitəsinin statistikasına əsasən verdiyi xəbərə görə, bu miqdarda təbii qazın dəyəri 821,5 mln. ABŞ dolları təşkil edib.

Bu, ötən ilin yanvar-aprel ayları ilə müqayisədə həcm baxımından 8,07%, dəyər baxımından isə 28,8% çoxdur.

Bu ilin 4 ayı ərzində Azərbaycanın ümumi ixracında təbii qazın payı 13,03% olub.