"Brent" markalı neftin qiyməti 50 dolları ötüb

Bakı. 8 sentyabr. REPORT.AZ/ Neftin dünya qiymətləri fəal şəkildə artmaqda davam edir.

"Report" xəbər verir ki, cümə axşamı keçirilən hərracların nəticələrinə görə, "Brent" markalı neftin qiyməti avqustun 26-dan bu yana ilk dəfə psixoloji mühüm qiymət həddini aşaraq bir barel üçün 50 dolları ötüb.

Bakı vaxtı ilə 22.20-yə olan vəziyyətə görə, "Brent"in noyabr fyuçerslərinin qiyməti 4,23% artaraq bir barelə görə 50,01 dollar təşkil edib.

WTI markalı neftin oktyabr fyuçerslərinin qiyməti 4,73% artaraq bir barel üçün 47,65 dollara çatıb.