“Azərenerji” ixracı 16%-dən çox azaldıb

Bu ilin yanvar-oktyabr aylarında "Azərenerji" ASC 993,1 milyon kVt/saat elektrik enerjisi ixrac edib.

“Report” Dövlət Gömrük Komitəsinə istinadən xəbər verir ki, bu həcmdə elektrik enerjisinin dəyəri 40,4 milyon ABŞ dolları təşkil edib.

Bunlar isə ötən ilin eyni dövrü ilə müqayisədə müvafiq olaraq 16,4 % və 30,1 % azdır.

Hesabat dövründə elektrik enerjisi ixracına gəlirlər Azərbaycanın ümumi ixrac gəlirlərinin 0,2 %-ni, qeyri-neft sektoru üzrə ixrac gəlirlərinin isə 2 %-ni təşkil edib.