Azərbaycan yanvarda Türkmənistandan qaz idxalının həcmini açıqlayıb

Bu ilin yanvar ayında Azərbaycana bəyan edilmiş qaz idxalı 42 milyon 640,16 min kubmetr təşkil edib ki, bu da 2024-cü ilin eyni dövrünə nisbətən 3,8 dəfə azdır.

Bu barədə “Report” Azərbaycan Dövlət Statistika Komitəsinə istinadən xəbər verir.

Azərbaycana verilən qazın dəyəri də 3,8 dəfə azalaraq 6 milyon 396,02 min ABŞ dolları təşkil edib.

Qeyd edək ki, 2025-ci ilin yanvarında Azərbaycana qaz idxalı yalnız Türkmənistandan olub.

Xatırladaq ki, 2024-cü ildə Azərbaycana bəyan edilmiş qaz idxalı 546 milyon 819,58 min kubmetr (öncəki illlə müqayisədə 4,3 dəfə azalma) həcmində və 86 milyon 988,38 min ABŞ dolları (azalma 4,2 dəfə) dəyərində olub. Ötən il idxal Rusiya və Türkmənistandan həyata keçirilib.