Məktəblərdə ilk dərs pandemiyaya həsr olunacaq

“Məktəblərə təklif edirik ki, bu dərs ilində ilk dərs “Gigiyena qaydalarına necə əməl edirəm” mövzusuna həsr olunsun”.

“Report” xəbər verir ki, bunu Təhsil Nazirliyinin Ümumi və məktəbəqədər təhsil şöbəsinin müdiri Vəfa Yaqublu Nazirlər Kabinetinin "Karantin rejimi dövründə təhsil müəssisələrində tədris və təlim-tərbiyə prosesinin təşkilinin müvəqqəti Qaydaları" barədə qərarına həsr olunan onlayn mətbuat konfransında çıxışı zamanı deyib.

Nazirlik rəsmisi qeyd edib ki, ümumilikdə bu il üçün ilk dərslər pandemiya ilə əlaqəli mövzulara həsr edilməlidir.