Zelenski: Ukraynada seçkilər hərbi vəziyyət başa çatdıqdan sonra keçiriləcək

İndi atəşkəs və müharibənin başa çatmasına dair planın hazırlanması ilə bağlı ilk addımlara diqqət yetirmək lazımdır.

“Report” UNİAN-a istinadən xəbər verir ki, bunu Ukrayna Prezidenti Volodimir Zelenski brifinqdə deyib.

"Atəşkəsə və ya sakitliyə hazırıqmı? Biz bunu konkret olaraq etdik və "bəli" dedik. Sual isə: Rusiya tərəfi buna hazır olacaqmı? İkincisi: tərəfdaşlarımız texniki monitorinqə hazırdırlarmı?", - V.Zelenski qeyd edib.

Müharibə başa çatdıqdan sonra hərbi vəziyyət ləğv ediləcək. O ləğv edildikdən sonra seçkilər Ukrayna qanunvericiliyinə uyğun olaraq keçiriləcək.