Xəzər sammitinin tarixi və yeri açıqlanıb

Bakı. 17 iyul. REPORT.AZ/ Beş Xəzəryanı dövlətin sammiti avqustun 12-də Aktauda keçiriləcək.

"Report" "İnterfaks"a istinadən xəbər verir ki, bu barədə Qazaxıstanın xarici işlər naziri Kayrat Abdraxmanov bildirib.

Onun sözlərinə görə, bütün dövlətlər diplomatik kanallar vasitəsilə artıq V Xəzər sammitindəki iştirakını təsdiqləyib.

Qeyd edək ki, bu sammitdə Xəzər dənizinin hüquqi statusu haqqında Konvensiyanın imzalanacağı gözlənilir.