Viktor Orban Macarıstanda güclü ordu yaratmağa çağırıb

Macarıstan Avropa iqtisadiyyatını sarsıdan sanksiyalar fonunda uzun sürən münaqişə ehtimalı olduğu bir vaxtda güclü ordu qurmalıdır.

"Report" xarici KİV-ə istinadən xəbər verir ki, bunu Macarıstanın Baş naziri Viktor Orban könüllülərin andiçmə mərasimində deyib.

"Biz dəvəquşu kimi başımızı qumda gizlədə bilmərik. Belə getsə, qitənin iqtisadiyyatı diz çökəcək, insanlar təhlükə altında qalacaq", - Orban bildirib.

Baş nazir vurğulayıb ki, Macarıstana zərbə vurmağa hazır və sülhü təmin etməyə qadir ordu lazımdır.