Vəkil: Sarkozi Makrondan əfv edilməsini istəməyəcək

Fransanın keçmiş prezidenti Nikola Sarkozi məhkəmənin onu beş il həbs cəzasına məhkum etməsinə baxmayaraq, hazırkı dövlət başçısı Emmanuel Makrondan əfv edilməsini istəməyəcək.

"Report"un məlumatına görə, bu barədə BFMTV-yə Sarkozinin vəkili Jan-Mişel Darrua bildirib.

"O, prezidentdən əfv olunmasını istəməyi düşünmür, çünki təqsirsiz olduğunu sübut etmək niyyətindədir", - vəkil bildirib.

N.Sarkozi 2007-ci il seçki kampaniyasının Liviya tərəfindən maliyyələşdirilməsi ilə bağlı işdə əlbirlikdə təqsirli bilinib.