​Türkiyənin təhlükəsizlik qüvvələri Ankarada PKK-ya qarşı reydlər keçirib

Bakı. 7 avqust. REPORT.AZ/ Türkiyənin təhlükəsizlik qüvvələri cümə günü səhər tezdən "Kürd Fəhlə Partiyası" (PKK) üzvlərinə qarşı Ankarada anti-terror əməliyyatı keçirib. Bu barədə "Report" "Anadolu"ya istinadən xəbər verir.

Polis qaynaqlarından əldə olunan məlumata görə, Ankarada Regional jandarm qüvvələri dəstələri Türkiyə, ABŞ və AB-də terror təşkilatları siyahısına daxil edilən "PKK-nın şəhər təşkilatı"na qarşı eyni vaxtda beş müxtəlif yerlərdə reydlər həyata keçirib.

Cümə günü keçirilən reydlər "İslam Dövləti" qruplaşması və PKK-ya qarşı Ümraniye məhəlləsində İstanbul polisinin cümə axşamı keçirdiyi buna bənzər anti-terror əməliyyatlarının ardınca baş tutub. Qeyd olunur ki, çərşənbə günü polis İstanbulun Okmeydanı rayonunda bombanı zərərsizləşdirib.