Somalidə terror aktı qurbanlarının sayı 30 nəfəri ötüb

Somalinin paytaxtı Moqadişuda hotelə hücum 30-dan çox insanın həyatına son qoyub.

“Report”un məlumatına görə, bu barədə yerli mətbuat xəbər verib.

Qeyd edilir ki, “Aş-Şabab yaraqlılarının hoteli ələ keçirməsi nəticəsində onlarla insan yaralanıb.

Ölənlər arasında keçmiş məmurlar, dövlət qulluqçuları və milli liderlər də var. Eyni zamanda Moqadişoda Somalinin Kəşfiyyat və Təhlükəsizlik Agentliyinin rəhbəri və yüksək rütbəli polis zabiti avtomobilinin bomba yüklü digər maşınla toqquşması nəticəsində yaralanıb.

Ölkənin təhlükəsizlik qüvvələri yüksək səviyyəli hotelin bir çox hissələrini dağıdan partlayıcı qurğulardan istifadə edərək bir vaxtlar dəbdəbəli kompleksi əməliyyat yerinə çeviriblər.

Təsdiqlənməmiş məlumatlara görə, dronlar mühasirəyə son qoymaq üçün axşam saatlarında hotelin bir hissəsini bombalayıb.

Somali hökuməti və kəşfiyyat orqanlarının nümayəndələri hələlik hücumla bağlı şərh verməyiblər. Terrorçulara qarşı mübarizədə ABŞ tərəfindən təlim görmüş xüsusi təyinatlılardan istifadə edilib.