“Starship”i kosmosa çıxarmağa çalışan daşıyıcı raket partlayıb

“Starship” kosmik gəmisi olan daşıyıcı raket buraxılışından 4 dəqiqə sonra partlayıb.

“Report” TASS-a istinadən xəbər verir ki, raket 38 km hündürlüyə çatdıqdan sonra nəzarətsiz şəkildə fırlanmağa başlayıb və partlayıb.

Qeyd edək ki, ABŞ-ın “SpaceX” şirkəti cümə axşamı ilk sınaq orbital buraxılış çərçivəsində “Starship” kosmik gəmisinin prototipi ilə daşıyıcı raketin buraxılışını həyata keçirib.

120 metrlik raketin Boka Çikadakı (Texas ştatı) bazadan buraxılışı yerli vaxtla saat 08:34-də baş tutub.