Londonun Hitrou hava limanı yaxınlığında yanğın olub - VİDEO

Bazar günü Londonun bilavasitə Hitrou hava limanı yaxınlığındakı Vest-Dreyton qəsəbəsində yerləşən anbarda yanğın olub.

"Report" TASS-a istinadən xəbər verir ki, bu barədə paytaxtın yanğın xidməti məlumat yayıb.

Əraziyə altı yanğınsöndürmə briqadası cəlb olunub. Aeroport ərazisini qatı tüstü bürüyüb. Yanğınsöndürənlər ətraf ərazidə yaşayan sakinlərə evlərinin qapı və pəncərələrini açmamağı tövsiyə ediblər.

Zərər çəkənlərin olub-olmaması barədə məlumat yoxdur.

"Daily Mail" yazır ki, yanğının əmələ gəlməsinə bir neçə partlayış səbəb olub.