KİV: Fransada gənc məktəbdən çıxarkən öldürülüb

Cinayətkarlar Paris yaxınlığındakı Eson departamentində məktəbdən çıxan 17 yaşlı gənci öldürüblər.

"Report" xəbər verir ki, bu barədə Evri kommunasının (departamentin inzibati mərkəzi) prokuroru Qrequar Dyulenə istinadən "Agence France-Presse" (AFP) agentliyi məlumat yayıb.

Onun sözlərinə görə, gənc yerli vaxtla saat 17:00 radələrində (Bakı vaxtı ilə saat 20:00) bıçaqla qətlə yetirilib.

Hadisə ilə əlaqədar 6 nəfər saxlanılıb, qəsdən adam öldürmə maddəsi ilə cinayət işi açılıb.

İlkin istintaq məlumatlarına görə, gənc “küçə dəstələri arasında qarşıdurma zamanı” öldürülüb.