İran reklam məlumatları vasitəsilə ABŞ qoşunlarının yerini izləyə bilər

İran, Amerika qoşunlarının Yaxın Şərqdəki yerlərini izləmək üçün hədəf reklamlar üçün toplanmış geolokasiya məlumatlarından istifadə edə bilər.

Bu barədə "Report" Newsmax-a istinadən məlumat yayıb.

Kanalın məlumatına görə, mobil tətbiqlər və veb saytlar fərdiləşdirilmiş reklamları göstərmək üçün istifadəçilərin dəqiq GPS koordinatlarını toplayır, bundan sonra koordinatlar məlumat brokerləri vasitəsilə geniş alıcı dairəsinə satıla bilər.

Xatırladaq ki, "Reuters" əvvəllər sosial mediada yerləşdirilən videoların İranın ABŞ hədəflərinə daha dəqiq zərbələr endirməsinə kömək edə biləcəyindən narahat olduqları üçün Yaxın Şərqdəki Amerika qoşunlarına mobil telefonlarını təhvil vermələri əmr edilə biləcəyini bildirmişdi.