İsrail HƏMAS-ın Qəzzadakı mövqelərinə hava zərbələri endirib

İsrail ordusu Qəzza sektorunda Fələstinin HƏMAS hərəkatının mövqelərinə zərbələr endirib.

“Report”xəbər verir ki, bu barədə İsrailin Müdafiə Nazirliyi açıqlama yayıb.

Qeyd olunub ki, İsrail Hərbi Hava Qüvvələri Qəzza sektorundan atılan raketə cavab olaraq HƏMAS təşkilatının bir sıra hədəflərinə qırıcı təyyarələr və PUA-lar vasitəsi ilə hava zərbələri endirib.

Bildirilib ki, vurulan hədəflər arasında təşkilatın silah və yeraltı hərbi obyektləri də var.