İran XİN başçısı: "Səudiyyə Ərəbistanı ABŞ-ın silahlarına arxayın olmamalıdır"

Digər ölkələr

30 sentyabr, 2019
08:52

İran XİN başçısı: Səudiyyə Ərəbistanı ABŞ-ın silahlarına arxayın olmamalıdır

Məhəmmədcavad Zərif

“Səudiyyə Ərəbistanı ABŞ-dan silah almaqla təhlükəsizliyini təmin edə bilməyəcəyini başa düşməlidir”.

“Report” “Sabah”a istinadən xəbər verir ki, bunu İranın xarici işlər naziri Məhəmməd Cavad Zərif Livanın “Əl-Məyadin” telekanalına müsahibəsində bildirib.

“Müharibənin Körfəz bölgəsinə əmin-amanlıq gətirəcəyinə inanmıram. Bu hal, sadəcə, bölgədə gərginliyi artıracaq. Səudiyyə Ərəbistanı ABŞ-dan silah almaqla təhlükəsizliyini təmin edə bilməyəcəyini başa düşməlidir. Krallıq Səddam Hüseyn, “Taliban” və İŞİD-in 40 illik fəaliyyətinin təcürbəsindən nəticə çıxarmalı və gərək onların əməllərinin heç bir fayda vermədiyini indiyədək öyrənəydi”, - nazir vurğulayıb.

İŞİD terror təşkilatı