HƏMAS İsrail hərbçilərinin Netsarim dəhlizini tərk etdiklərini təsdiqləyib

Fələstinin HƏMAS radikal hərəkatı İsrail ordusunun Qəzza zolağının şimal və cənub hissələrini ayıran Netsarim dəhlizindən geri çəkildiyini təsdiqləyib.

"Report" xəbər verir ki, müvafiq bəyanat hərəkatın Telegram kanalında dərc olunub.

Qeyd olunub ki, İsrail öz qoşunlarını Netsarim dəhlizindən çıxarıb. Bu, Fələstin xalqının müqavimətinin təntənəsi kimi qiymətləndirilib.

Həmçinin bildirilib ki, HƏMAS müstəqil Fələstin dövləti qurulana qədər İsrailə qarşı mübarizəni davam etdirəcək.

"Ynet" portalı daha əvvəl İsrail qoşunlarının Netsarim dəhlizindən tamamilə çıxarıldığı barədə məlumat yayıb.