HƏMAS-ın İsrailə hücumu nəticəsində ölənlərin sayı 1000 nəfəri ötüb - YENİLƏNİB

HƏMAS-ın hücumu nəticəsində ölən İsrail vətəndaşlarının sayı 1008 nəfərə çatıb.

“Report” CNN-ə istinadən xəbər verir ki, bu barədə İsrailin ABŞ-dəkı səfirliyi məlumat yayıb.

Hücum nəticəsində yaralananların sayının isə 3418 nəfərə çatdığı qeyd olunub.

Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını bildirib.

15:40

HƏMAS-ın İsrailə hücumu nəticəsində 900-dən çox adam həlak olub, daha 2 806 nəfər yaralanıb.

“Report” xəbər verir ki, bu barədə “The Times of İsrael” nəşri məlumat yayıb.

Qeyd olunub ki, onlardan 26-nın vəziyyəti çox ağır, 336 nəfərin ağır, 534 nəfərin vəziyyəti orta ağırdır. Daha 1479 nəfərin vəziyyəti isə yüngül qiymətləndirilir.

Xatırladaq ki, oktyabrın 7-də səhər saatlarında İsrail ərazisi Qəzza zolağından raket atəşinə tutulub. İsrail ordusu "müharibə hazırlığı vəziyyəti" elan edib və cavab olaraq "Dəmir Qılınclar" əməliyyatına başladığını bildirib.