Gürcüstan ABŞ-la münasibətlərdə yeni səhifənin açılmasına ümid edir

Gürcüstanın ABŞ-dəki səfiri Tamar Taliaşvili amerikalı senator Stiv Deynsla görüşüb. 

"Report" xəbər verir ki, səfir bu barədə "X" sosial şəbəkəsindəki hesabında paylaşım edib.

Görüş zamanı tərəflər ikitərəfli əməkdaşlığın inkişaf perspektivlərini müzakirə ediblər.

"ABŞ senatoru Stiv Deyns ilə görüşmək mənim üçün çox xoş oldu. Biz ABŞ-Gürcüstan münasibətlərində yeni səhifənin açılmasını, mövcud əlaqələrin gücləndirilməsini, həmçinin regionumuzda sülh və rifahın vacibliyini müzakirə etdik", - T.Taliaşvili yazıb.

Xatırladaq ki, Gürcüstan Prezidenti Mixail Kavelaşvili sentyabrın 1-də ABŞ Prezidenti Donald Trampa açıq məktub göndərib, məktubda iki ölkə arasında strateji tərəfdaşlığın bərpa olunacağına ümid etdiyini bildirib.